Ya Abbas ya Abbas !!

jab hawaon may nami mehsoos ki abbas ne,
ehtiyatan saans rok li abbas ne
mauj-e-kausar sar uthakar dekhti hi reh gayi,
itni unchayi par rakh di tashnagi abbas ne
saja rakhi thi darya par ajab baarat pani ki,
bahut karte thay ashrare yazidi baat pani ki

magar darya pe pahunchay thokare maari chale aaye,
batadi hazrat-e-abbas ne aukhaad pani ki
kate baazu chidi mashkeeza bachi reh gayi pyaasi,
zameen pe khoon bankar hogayi barsaat pani ki
ya abbas, ya abbas

jahan bhi pani-o-mask-o-alam ki baat chali,
ali ke laal ke qadmo tale faraad chali
wafa-e-ishq-o-mohabbat ki kaayanat chali,
dua-e-fatima zehra bhi saat saat chali
alam ke dam se hai ab tak hayaat pani ki,
jari ki jeet hui aur maath pani ki
ya abbas, ya abbas

wo ek mashk jo kausar samayt kar nikli,
labon pe apne samandar samayt kar nikli
tabassum-e-ali asghar samayt kar nikli,
jo ek zarb se laskhar samayt kar nikli
agar na kehti ye aab-e-hayaat pani ki,
har ek nigaah se gir jaati zaat pani ki
ya abbas, ya abbas

sakina bibi ke sadkhe ali ke laal salaam,
jari shaki asad-e-sher-e-zuljalaal salaam
wafa ki aakhri hadke mahay kamaal salaam,
nahi hai dono jahaan may teri misaal salaam
tere kate hue baazu nijaat pani ki,
tere badan ka pasina zakaat pani ki
ya abbas, ya abbas

himaayat-e-shah-e-mazloom may panaah abbas,
tabaat-o-jurrat-o-ghairat ki inteha abbas
janaab-e-zainab-e-bekas ka aasra abbas,
lab-e-faraath fakadh tune ye likha abbas
hamari tashnalabi hai faraath pani ki,
hayaat pyason ki thairi wafaath pani ki
ya abbas, ya abbas

meri hayaath ka samaan nasir-e-shabbir,
badalta rehta hai jo kaayanat ki taqdeer
faraath-o-mashq-o-alam jiski hashr tak jaageer,
mai aur ye meri tanzeem iske dar ke fakheer
bahegi chasm-e-aza se faraath pani ki,
chalegi majlis-o-matam may baat pani ki
ya abbas, ya abbas

Ashoor ki sahr hey akbar ki azan hey

Ashoor ki sehar hey

haye akbar haye akbar haye haye akbar x2

Ashoor ki sahr hey akbar ki azan hey
Ashoor ki sahr hey akbar ki azan hey x 2

Shabbir kay lashkar mein x 2 aik shoo ray phonga hey
Ashoor ki sahr hey akbar ki azan hey x2

Saf basta ghazi hein maula key amanat mein
ansar sha-hedeen hein masroof e Ibadat mein
sajday mein dua karti x2 akbar teyri maa hey

Ashoor ki sahr hey akbar ki azan hey x2

Shabbir kay lashkar mein x 2 aik shoo ray phonga hey
Ashoor ki sahr hey akbar ki azan hey x2

kiya soog ka aalam tha shabbir kay laskhar mein
maa kehti lao gee akbar ki dulhan ghar mein
maaloom na tha inki x2 kismat mein see na hey

Ashoor ki sahr hey akbar ki azan hey x 2

Doray
------------------------------------
Ashoor say her subhay ki aghoosh mein ab tak masoom ki tasir goonj rahi hey.
Islam ki wadee mein awaz hey aae loog - shabbir kay akbar ki azan goonj rahi hey

-------------------------------------

awaz azan pohan chee jis waqt madina mein
sughra nay kaha koi hasrat nahi see nay mein
mujhey itna yeh bata dey x 2 bhai tu kahan hey
Ashoor ki sahr hey akbar ki azan hey x 2

Shabbir kay lashkr may x2 aik shoray phonga hey

Ashoor ki sahr hey akbar ki azan hey x2
dum tortay akbar nay baba say kah ro kar
sugra ko bata dey na sahra na bandha sar per
barche hi kalay jay mein x2 aur khusk zaban hey
Ashoor ki sahr hey akbar ki azan hey x2

Doray
-------------------------------------------------
atha raa barz x2 paal kay jis ko jawan kiya
atha raa barz paal kay jis ko jawan kiya
zainab kay saam nay wohi dam tornay laga
zainab nay x3 ser ko peet kay lasha say ya kaha
akbar x3 nahi gaya meray senay say dil gaya
-------------------------------------------------

zainab kay yeh nalay thay lasha ali akbar per
atha raa bars pala tha tujey akbar
mein dhoop x2 aur aashk rawan hein

Ashoor ki sahr hey akbar ki azan hey x2

shabbir kay laskar mein aik shoray phonga heyAshoor ki sahr hey akbar ki azan hey x4

Sine pe sulane ko

Sine pe sulane ko

(Akhri raat sakina ki) x2

(Haay haay hay) x3

(Me khaak pa sojaungi) x2 ha kehti hu(n) baba

(Sine pe sulane ko kaha kehti hu(n) baba) x2

1. Kehti hu(n) ke chehra hi dikhajayiye baba

Marne se mere pehle hi aajayiye baba

Pehlu me chhupane ko kaha keti hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
2. Bache to bohot chhote huwa karte hai baba

Har aik musibat pe gila karte hai baba

Me naaz uthane ko kaha kehti hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
3. Sehlungi jo haathon ki lakiron me likha hai

Zindaan ki andheron ka gila kisne kiya hai

Me shamme jalane ko kaha kehti hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
4. Haaye baba, baba mere bachpan ka taqaza to nahi tha

Khabon me khilone the janaza to nahi tha

Ghodi me khilane ko kaha kehti hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
5. Baba mere zakhmon ki dawa kon karega

Ab jaan sakina ko bhala kon kahega

Pehlu me chhupane ko kaha keti hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
6. Zindaan ki andheron me sula kyun nahi dete

Baba mujhe marne ki dua kyun nahi dete

Me lori sunaneko kaha kehti hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
7. Koi bhi nahi aansu mere ponchne wala

Sarpe nahi hathon ko koi pherne wala

Bahon me chupane ko kaha kehti hun baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
8. Haaye baba, marjawu agar baba tera shaam ho aana

Bimar akela hai janaze ko uthana

Godi me uthane ko kaha kehtu hu(n) baba

Me khaak pa sojaungi, ha kehti hu(n) baba

Sine pe sulane ko kaha kehti hu(n) baba
9. Arman sakina ki yahi bayn the haaye

Me kehti rahi baba magar aap na aye

Turbat bhi banane ko kaha keti hu(n) baba

Me khaak pa sojaungi, ha kehti hu(n) baba

Baba ko rone wali sine pe sone wali (sakina guzar gayi) x3

Nawha tha ye zainab ka

Nawha tha ye zainab ka

(Nawha tha ye zainab ka. Qayd ho ke jaati hu) x2

1. Lut gayi meri duniya

(Nawha tha ye zainab ka. Kayd-e ho ke jaati hu) x2
2. (Chalbasa mera bhayi, me hu or tanhayi) x2 Koi bhi nahi apna, qayd ho ke jaati hu

(Nawha tha ye zainab ka. Kayd-e ho ke jaati hu) x2
3. (Jalti ret par asghar, nind agayi kyu kar) x2 Tap raha hai ban sara, qayd ho ke jaati hu

(Nawha tha ye zainab ka. Qayd ho ke jaati hu) x2
4. (Jab se jalgaye khayme, sehme sehme he bache) x2 Zulm karte hai ada, kayd-e ho ke jaati hu

(Nawha tha ye zainab ka. Qayd ho ke jaati hu) x2
5. (Sadke tumpe majayi, mere be kafan bhayi) x2 Kayse chen ayenga, qayd hoke jaati hu

(Nawha tha ye zainab ka. Qayd ho ke jaati hu) x2

Zuljanah ay zuljanah

Zuljanah ay zuljanah

Boli khatun-e-jina, yani shabbir ki maa(n), mera bacha hai(n) kahaa(n)

Zuljana ay zuljana (mera bacha hai(n) kaha(n)) x2

1. Boli khatun-e-jina, yani shabbir ki maa(n), mera bacha hai(n) kahaa(n)

Zuljana ay zuljana (mera bacha hai(n) kaha(n)) x2
2. Lay gaya ghar se ek pyaase ko, Rab ke mehboob ke nawase ko, Chor ker aagaya laeeno me, Gham zada maa ke tu assase ko. Dhund ne jawu(n) use, is andhere me kaha(n), Mera bachaa hai(n) kaha(n)

(Zuljana ay zuljana mera bacha hai(n) kaha(n)) x2
3. Jis ne lashe uthaye the din bhar, khune asghar tha jiske chehre par, zakhme akbar ki thi anni dil me, bhayi ki gham me jhuk gayi thi kamar, khaak urhaate hai nabi, hai ali mehve fughaa, mera bacha hai(n) kahaa(n)

Zuljana ay zuljana (mera bacha hai(n) kaha(n)) x2
4. raqibe dosh mustafa tha wo, tujhko bachpan se chahata tha wo, saath kyu(n) aaj uska chor diya, jabke mushkil me agaya tha wo, bewafayi ka sabab, kya karu(n) tujhko bayaa(n), mera bacha hai(n) kahaa(n)

(Fatema zahra) x4
5. tere mathe pe khun hai kiska, rang khu(n) ye tere sawaar ka tha, hai mere shir ki mehek usme, kampta hai alam se dil mera, bol khamosh hai kyu(n), tere asu(n) hai rawaa, mera bacha hai(n) kahaa(n)

Zuljana ay zuljana (mera bacha hai(n) kaha(n)) x2
6. jo teri pyaas par udaas raha, ho
ke paani ki aaspaas raha, phir bhi paani piyaa nahi usne, teri khatir wo mehwe yaas raha, khushk tha uska ghala, khushk thi uski zabaa(n), mera bacha hai(n) kahaa(n)

Zuljana ay zuljana (mera bacha hai(n) kaha(n)) x2
7. kaise soyegi ladli uski, jisko sine pa neend aati thi, jisne roka tha tujhko jaate huwe, kya kahega agar wo puchhegi, samna uska na kar, roke dedegi wo jaa(n), mera bacha hai(n) kahaa(n)

Zuljana ay zuljana (mera bacha hai(n) kaha(n)) x2
8. qalb zainab kahee(n) fighar na ho, dilpe ehle haram ke waar na ho, tu jo khayme me jayenga khali, kon hai jo, ke soghwaar na ho, tu jo jaayega wahaa(n), hashr ka honga samaa(n), mera bacha hai(n) kahaa(n)

Zuljana ay zuljana (mera bacha hai(n) kaha(n)) x2
9. na gawaa sar sina pe aayaa nazar, zikre khaliq tha jiske honto par, thaam kar dil larazte haatho(n) se, boli "rehan", madare sarwar, tujhse ay aspe jhari, ab na puchengi ye maa(n), mera bachha hai kahaa(n),

Zuljana ay zuljana (mera bacha hai(n) kaha(n)) x2

(Fatema zehra) x4

Meera vad maula, sarwar-e-zehra, aho-wawayla

KOHRAAM MACH GAYA

KOHRAAM MACH GAYA

Alvida.. x(4) Alvida.. x(4)

Khaime me aake Shah ne jab alvida kaha
Kohraam mach gaya....x(2)


Tha jiska intezaar wo *saa at kareeb hai,
Din dhal raha hai *saamne musibat kareeb hai,
Kuch der ki hai baat qayamat kareeb hai,
Zainab (s.a) gareeb bhai ki ruksat kareeb hai.
ye kehke maanga maa ka jo kurta sila hua.....
Kohraam mach gaya


Kuch dur hat ke khaime mein bole Shahe Zaman,
Zehmat na ho to bazu badhao zara behen,
Main bose loon wahaan ke bandhegi jahaan rasan,
Bazu badha ke roti thi hamshir khastatan,
Bhai behen ke bazu ko jab chum ne laga...
Kohraam mach gaya.....

Ye sun ke binte Fatema Zehra (s.a) tadap gayiin,
Boli gala badhao bas ab jald ya akhi,
Amma ki baat aaj mujhe yaad aa gayi,
Main bose loon wahaan ke chalegi jahaan churii,
Zainab(s.a) ne badh ke chuma beradar ka jab gala....
Kohraam mach gaya...............

Beti se phir ye kehne laga Fatema(s.a) ka laal,
Rehna phuphhi ke paas rakhengi tera khayaal,
Gurbat hai tum phuphi se na karna koi sawaal,
Warna tere pedar ko bohot hoyega malaal,
Phir sar pe haath rakh ke jo dene lage dua......
Kohraam mach gaya...........

]Beti ko jab supurde behen kar chuke Imam(a.s)
Rokar behen se kehne lage aasma makaam,
Jaana watan jo qaid se chhutt kar ae tishnakaam,
kehna lehed pe maa ki mera aakhri salaam,
Aaya jo lab pe Fatema Zehra(s.a) ka taskeraa....
Kohraam...........

Aabid se phir ye kehne lage Shahe Karbala,
Bewaon or yatimon ka ab tum ho aasra,
Jo imtehaan mera tha sab maine de diya,
Aage tera chirag hai beemar-e-karbala,
Beemar beta baap se jis dam juda hua.....
kohraam..........

Khaime se bahar aaye jo sultan-e-karbala,
Sar ko jhukaye rota tha khud asbe bawafa,
Ab kis tarah sawaar ho Zehra(s.a) ka laadla,
Tanhaii ke siwa koi yaawar nahi raha,
Jab sue neher dekh ke Gaazi(a.s) ko di sada....
kohraam.........

Bhai ko tanha dekh ke Zainab(s.a) tadap gayiin,
Roti hui Hussain(a.s) ke nazdeek aa gayiin,
Or phir raqaab thaam ke boli ae Shahe Deen,
main sawaar karti hoon Abbas(a.s) gar nahi,
*Waariz hua sawaar jo Zehra(s.a) ka laadla.......
kohraam mach gaya.........

Jane wale karbala kay, karbala lay chal muje

(Karbala Karbala Karbala hey karbala) x2

(Jane wale karbala kay karbala ley chal muje) x4

1. (Jane wale karbala kay, karbala lay chal muje) x2

Roza e shabbir par dunga dua ley chal muje

(Jane wale karbala kay karbala lay chal muje) x2

2. (Hay jaha ganje shahida hey jahaa nehre furaat) x2

Jis jaga syed mera pyaasa rahaa ley chal muje

(Jane wale karbala kay karbala lay chal muje) x2

3. (Jis jagaa jagi thi kismat hur ki wo dekhunga mai) x2

Aasyo par kaise hoti hai ataa ley chal muje

(Jane wale karbala kay karbala lay chal muje) x2

4. (Is kadar nadaar uza may safar kuch bhi nahi) x2

Dosh par apni dikha kar ay hawaa ley chal muje

(Jane wale karbala kay karbala lay chal muje) x2

5. (Jis jaga abbas ke bazu kalam ho kar gire) x2

Us jaga mai bhi karu matam zara ley chal muje

(Jane wale karbala kay karbala lay chal muje) x2

6. (Dil ullaj kar agaya barchi mai akber ka jahan) x2

Dil waha mai bhi karu apna fida ley chal muje

(Jane wale karbala kay karbala lay chal muje) x2

7. (Jal gaye sham-e ghariban mai jaha khayme tama) x2

Jis jaga nana sa ek jula jala ley chal muje

(Jane wale karbala kay karbala lay chal muje) x2

8. (Haye wo maktal jaha bali sakina raat me) x2

Dhoond ti phir ti thi sina baap ka ley chal muje

(Jane wale karbala kay karbala lay chal muje) x2

9. (Jane wale karbala kay, karbala lay chal muje) x2

Roza e shabbir par dunga dua ley chal muje