Kahti Thi Yeh Maa Khoon Bhari Maiyat Say Lipat Kar

Kahti thi yeh maa khoon bhari maiyat say lipat kar

Haaye haaye Ali Akbar, haaye haaye Ali Akbar.

1) Arman tha pahnawoon gi poshak shahani

Afsoos keh raas aaie na tujh ku yeh jawani

Kaisa tha muqaddar, haaye haaye Ali Akbar.

2) Aathara baras paal kay parwan charhaya

Aur gaisuwoon wala haaye mera khoon main nahaya

Khurban ho maadar, haaye haaye Ali Akbar.

3) Itna to zara thehro tumhain dhulha bana loon

Bas ek jhalak sahray ki Sughra ku dhika Loon

Baichain thi khawahar, haaye haaye Ali Akbar.

4) Maa teri judaie mein bhala kaisay jeeye gi

Maar jaayaigi Sughra jo khabar teri sunay gi

Ab kya karoon dilber, haaye haaye Ali Akbar.

5) Tehro kay mein atharween mannat to badha loon

Phir lay kay balayein tujhay jeenay ki dua doon

Sadqay ho ay maadar, haaye haaye Ali Akbar.

6) Pehlay to ek aawaz pay uth jatay thay beta

Ab etni saada’oon pay bhi pehloo nahi badla

Kya ho gaya dilber, haaye haaye Ali Akbar.

7) Tum hichkiyaan lay lay kay jo dam taur rahay ho

Moo maa say hamaisha kay liye mour rahay ho

Kyon rootay ho dilber, haaye haaye Ali Akbar.

8) Aaye jo hamein lootnay hhaimay mein sitamgar

Maa day gi sadaayein Ali Akbar, Ali Akbar

Chin jaayay gi chaadar, haaye haaye Ali Akbar.

9) Jab koi jawan laash nazar aati hai mahshar

Ek yaad suyay Karbobala jaati hai mahshar

Dil rota hay kah kar, haaye haaye Ali Akbar.