Saturday, December 25, 2010

Ay Khuda Ay Khuda Hay Yehi Aarzoo

Ay Khuda ! Ay Khuda ! Ay Khuda !

Ay Khuda Ay Khuda Hay Yehi Aarzoo
Mein Imam-e-Zamaa ka Sipahi Banoo

Misle Maisam jala kay chiragh-e-wafa
Bhardoon apnay lahoo sey ayad-e-wafa*

Qafila Zuriyat ka Na bhatkay kabhi
Misle Hurr choor jaoon chiragh-e-wafa

Ay Khuda Ay Khuda Hay Yehi Aarzoo
Mein Imam-e-Zamaa(as) ka Sipahi Banoo

Mairay Aqa Ki Janib jo uthee nazar
Cheen loonga un ankhoon sey noor-e-basar
Kaat doonga uss aadmi ki zabaan
barh gaya koi had-e-adab sey agar

Ay Khuda Ay Khuda Hay Yehi Aarzoo
Mein Imam-e-Zamaa(as) ka Sipahi Banoo

Kash jab mein hoon masroof-e-Kaar-e-Ghira*
Maujiza aisa dikhlaye maira Khuda
Dekh kar mujhko alooda-e-Khaak-o-khoon
Khud Imam-e-Zamaan(as) Keh uthein Marhaba

Ay Khuda Ay Khuda Hay Yehi Aarzoo
Mein Imam-e-Zamaa(as) ka Sipahi Banoo

Jab Alam lay kay maqtal ki janib barhoon
Yeh rujuz shaan-e-Mola Ali mein parhoon*
Ghum Nahi hay kay haq goi kay jurm mein
Qatl karday zamana kay phaasi charhoon

Ay Khuda Ay Khuda Hay Yehi Aarzoo
Mein Imam-e-Zamaa(as) ka Sipahi Banoo

Ta ba Anjaam-e-Ghaybat jo mein na rahoon
Ayy Khuda Haq-e-Nusrat ada Yu Karoon
Jab Imam apnay lashkar ko tarteeb dein
Mein bhi Turbat sey labaik kehta uthoon

Daagh Hay Dil Pay Zahra ki Jageer ka
Ghum Hay Aale Muhammad ki Tash-heer ka
Kam sey Kam itni Mohlat Khuda Bakhsh Dey
Badla Mein Lay Sakoon Khoon-e-Shabbir Ka

Ay Khuda Ay Khuda Hay Yehi Aarzoo
Mein Imam-e-Zamaa ka Sipahi Banoo[/QUOTE]

Karbala Mein ajab zulm dhaye gaye
Loota Hay sheh ko khaimay jalaye gaye
Mujrimo ki tarhaa dar ba dar nangay sir
AhleBayt-e-Muhammad Phirayee gayee

Ay Khuda Ay Khuda Hay Yehi Aarzoo
Mein Imam-e-Zamaa ka Sipahi Banoo

Ashqiya zulm per zulm dhatay rahay
Bay sabab taziyaanay lagatay rahay
Khoon rotay rahay Ahlebayt-e-Nabi
Log Jashn-e-Musarrat manatay rahay

Ay Khuda Ay Khuda Hay Yehi Aarzoo
Mein Imam-e-Zamaa ka Sipahi Banoo

Baandh kar aik rassi mein bara galay
Soo-e-darbar-e-shaam ashqiya lay chalay
Koi aisa na tha jo yeh poochta
Khatm Kab hoongay yeh zulm kay silsilay

Ay Khuda Ay Khuda Hay Yehi Aarzoo
Mein Imam-e-Zamaa ka Sipahi Banoo

Karbala dey rahee hay musalsal sada
Muntazir janay kab sey hain ahle wila*
Jald hoo abb zahoor-e-Imam-e-Zamaan
Ayy Khuda Hay yehi aarzo-e-wafa

Ay Khuda Ay Khuda Hay Yehi Aarzoo
Mein Imam-e-Zamaa(as) ka Sipahi Banoo

2 comments: